Cebuano news: Aquino midapit sa mga mamuhunan sa Thailand nga mosalmot sa PPP program

Friday 20th of January 2012

PAGADIAN CITY , January 20 (PIA) –- Si Presidente Benigno S. Aquino III midapit sa mga mamuhunan ug magpapatigayon nga mamuhunan sa Pilipinas pinaagi sa Public Private Partnership (PPP) program, usa ka programa sa kagamhanan nga nagtumong pagpalambo sa financing, construction ug operation sa mga mahinungdanong imprastratukra nga proyekto sa kagamhanan.

Ang Presidente mipdangat sa iyang imbitasyon atol Sa Expanded Bilateral Talks uban kang Thai Prime Minister Yingluck Shinawatra sa Malakanyang ning nakalabay nga Huwebes.

Iyang gitumbok ang kamahinungdanon sa pribadong sector isip kaabag sa tinguha sa kagamhanan sa Pilipinas pagpalambo sa kinabuhi sa mga Filipino.

“Mihimo ako sa kahigayonan pagdapit sa mga kompanya sa Thailand nga mamuhunan sa akong pangagmahanan nga programa ang PPP. Ang pribadong sektor usa ka mahinungdanon nga kaabag pagkab-ot sa kauswagan ug kalamboan nga mga tumong,” matud pa sa Presidente .

“Ang kagamhanan ang komitado nga motanyag sa naglihok nga kalikupan alang sa pagsalmot sa pribado nga sector pinaagi sa Public Private Partnerships

(PPP),” matud pa niya.

Si Prime Minister Shinawatra nagkanahyon nga ang kagamhanan sa Thailand ang andam nga mohatag sa iyang hingpit nga pagsuporta sa mga magpapatigayon ug mga mamuhunan nga magnegosyo sa Pilipinas.

“Ang Thailand andam nga mohatag sa iyang suporta sa mga magpapatigayon sa Thailand kinsa nagtinguha nga mamuhunan sa Pilipinas ilawom sa Public-Private Partnership (PPP) programs,” matud pa ni Shinawatra.

Ang Pilipinas ug Thailand mipaambit sa usa sa pinakadugay ug lig-on nga relasyon sa Southeast Asia sa 63 ka tuig diin ang duha ka mga pangulo kinsa midayeg sa “lig-on ug mabungahon nga panagka-abag.” (JPA/GCC/PIA/ZamboSur)

___________________________________________________________________________________________________________________________