Cebuano news: Palasyo miduyog sa nasud sa pag-ampo sa hinanali nga pagkaayo ni Dolphy

By Rodrigo S. Victoria

Friday 22nd of June 2012

MANILA, Hunyo 22 (PIA) -- Ang Malacanang naghangyo sa mga Pilipinhon sa nasud niadtong Huwebes sa pag-ampo sa hinanali nga pagkaayo ni Rodilfo Quizon, Sr. nga mas naila nga “Dolphy” kinsa naospital ug karon gikataho nga anaa sa kritikal nga sitwasyon.

“Kita miduyog sa katawhang Pilipinhon sa pag-ampo sa panglawas ni Mr. Rodolfo Quizon, Sr. kinsa gitawag sa tibuok nasud nga “Dolphy.” Kita nagkahiusa sa atong mga katuyuan sa aton gimahal nga idolo sa industriya sa paglingaw sa Pilipinas. Ang pangaliya sa Presidente ann kang Mr. Quizon ug sa iyang mga minahal niini nga pit-os nga mga panahon,: matud pa sa Tigpamaba sa Presidente nga si Edwin Lacierda sa usa ka pamahayag nga gipagawas niadtong Huwebes.

“Ang Presidente di pa lang dugay, mipasidungog ni Dolphy sa Grand Collar of the Order of the Golden Heart. Mao nga kami miila sa iyang gikatampo sa natad sa paglingaw. Siya personal nga nagtuo nga si Dolphy dako ang gikatampo sa arte,” matud pa ni Lacierda.

Ang pamilya Quizon nangayo sa mga pag-ampo alang kang Dolphy kinsa gibalikan sa pagtaud sa respirator ug anaa sa kritikal nga kondisyon katapos sa pinakaulahinga pagbalhin sa dugo.

Si Dolphy gi-ila nga “Hari sa Komedya” sa sine sa Pilipinas, ang nahibaw-an nga may COPD (chronic obstructive pulmonary disease) , usa ka progrisibo nga sakit, lima ka tuig na ang nakalabay. (rvictoria-PIA 8, Biliran)