Cebuano news: PDEA mihatag ug dakong pahalipay sa mga tipsters

By Ma. Lailani P. Tupaz

Friday 3rd of August 2012

QUEZON CITY, Agosto 3 (PIA) -- Mihatag ang Philippine Drug Enforcement Agency (PDEA) atol sa ikanapulo nga anibersayo sa niini niadtong nakalabay nga Hulyo 30 ug kapin sa P4.6 milyones ngadto sa 16 ka mga informants nga maoy hinungdan sa pagkadakop sa nga notorious nga personalidad ug pagkarikopo sa mga illegal nga droga ubos sa operasyon nga "Private Eye."

Si PDEA Director General Jose S. Gutierrez mibutyag nga nailhan lamang ang 16 ka mga informants sa ilang mga codenames aron sila maprotektaran ug sekreto kaayo ang tanan mga kasayoran nga madawat sa Private Eye.

Nailhan kini sila sa mga codenames nga Mariam, Boy, Nora, Lando, Swako, Kani, Rox, Danica San Miguel, Totoy, Alex Chow, Aries, Tubo, Isay, Chipmunks, Pajero ug Paro Paro

Usa ka reward and incentive scheme sa PDEA ang Private Eye sa tinguha pag-awhag sa mga lumulupyo pagtaho sa mga suspetsadong kalihokan sa illegal nga droga diha sa ilang komunidad.

Ihatag ang kwartang pahalipay sa mga impormante pagkatapos sa masusing pagtuon sa mga miyembro sa Private Eye Rewards Committee nga gilakipan sa academe, non-government organizations, tigpasunod sa balaod, religious group, ug business sector.

Usa sa mga impormante ang nakadawat ug kapin sa P1 milyon tungod sa iyang mga kasayoran nga nakadiskubre sa laboratoryo sa shabu sa Muntinlupa City diin narikopo ang dakong kantidad sa shabu ug pagkaaresto sa mga Chinese personalities.

Ang hepe sa PDEA miingon nga ang aktibong partisipasyon sa mga pribadong lumulupyo diha sa kampanya batok sa illegal nga droga usa ka positibong indikasyon nga adunay pagsalig ang publiko sa PDEA.

Si Gutierrez midugang nga gikinahanglan nato mag-establisar ug magmentinar sa relasyon nga makabenipisyo sa PDEA ug sa publiko aron makab-ot ang tinguha nga drug-free communities. (EOPT/Trans. by MLT-PIA8 Biliran)