Cebuano news: 4 ka mga kabataang Filipino gitabangan sa embahada sa Pilipinas pag-ikyas sa Syria

By Ma. Lailani P. Tupaz

Wednesday 11th of July 2012

DAMASCUS, Hulyo 11 – Gitabangan sa Philippine Embassy sa Damascus ang upat ka mga kabataan diin duha niini ang nagpangedaron ug otso anyos, 11 ug, 15 anyos nga makaikyas sa kagubot sa Syria ug magsugod ug bag-ong kinabuhi dinhi sa Pilipinas.

Tulo sa maong mga kabataan anak sa kanhi Filipino community leader samtang ang usa niini anak sa Filipina nga inahan ug Syrian nga amahan, sumala pa sa press statement gikan sa Department of Foreign Affairs (DFA).

Ang DFA mibutyag nga moabot ang mga kabataan sa Manila karon nga adlaw, Hulyo 10, uban sa lain pang unom ka ma mipauli lakip na ang ilang mga inahan.

Ang dakong hut-ong sa 27 ka mga overseas Filipino workers (OFWs) miabot sa Manila kagahapon nga adlaw, sumala pa sa DFA.

Niadtong Hulyo 3 mitala sa kinatibuk-ang 1,734 ka mga Filipinos ang mipauli gikan sa Syria sukad iimplementar ang mandatory repatriation niadtong Disyembre 2011 ubos sa crisis alert level 4.

Puwede mohatag ang mga kabanayan sa atua sa Syria ngadto sa DFA Office sa Undersecretary for Migrant Workers' Affairs (DFA-OUMWA) sa kasamtangang kasayoran, lokasyon, ug contact details sa ilang mga minahal pinaagi sa pagtawas sa Syria sa (02) 834-3245; (02) 834-3245; (02) 834-3240; ug (02) 834-3240. (MLT-PIA8, Biliran)