Cebuano news: Pres. Aquino itaas ang bandera sa Malolos sa Araw ng Kalayaan

Monday 11th of June 2012

LUNGSOD NG QUEZON, Hunyo 11 (PIA) -- Andam na ang administrasyon ni Presidente Benigno S. Aquino III alang sa kasaulogan sa ika-114 nga anibersaryo sa Araw ng Kasarinlan sa Pilipinas ugma nga adlaw, Hunyo 12.

Ang National Historical Commission of the Philippines (NHCP) mibutyag nga si Presidente Aquino ang nakatalaan nga manguna sa pagtaas sa bandera sa Barasaoin Church sa Malolos, Bulacan sa alas 7:00 ang takna sa buntag.

Ang NHCP midugang nga aduna usa’y susamang mga kalihokan sa ubang dapit sa nasud sama sa job fair, sinayaway, kinantahay, mga pasalida, ug mga patukar sa banda.

Sumala pa sa estorya, ang Hunyo 12, 1898 mao ang petsa sa kagawasan sa mga Pilipino gikan sa mga langyaw.

Niini nga tuig, hatagan usab ug importansiya ang ika-25 nga anibersaryo sa 1987 Constitution sa Pilipinas pinaagi sa “Kalayaan 2012.”

ang tibuok buwan sa Hunyo 2012 ihalad sa nasud alang sa kagawasan diin kini adunay tema nga “Kalayaan: Pananagutan ng Bayan para sa Tuwid na Daan.”

Gisugdan ang kasaulogan sa Paco Park, Maynila, niadtong Hunyo 8 ang “Panata sa Kalayaan,” nga gihalad sa national artist nga si Amado V. Hernandez diin giharana ang mga bisita sa pasundayag nila soprano Raye Lucero sa Mabuhay Singers, baritone Ronnie Sta. Maria, ug gitaristang Eddie Suarez.

Pagka Hunyo 9, adunay Sinekalayaan diin ipasundayag ang mga pelikula kabahin sa kagawasan sa Pilpinas sulod sa tulo ka gabii didto sa Open Auditorium sa Rizal Park sa Manila.

Ang mga pelikulang ipasundayag mao ang Aishite Imasu Mahal Kita 1941, diin Makita sila Dennis Trillo ug Judy Ann Santos; Sakay, nga gilakipan ni Julio Diaz; ug ang Forgotten War, nila Kyla Lapus ug Baron Geisler.

Mipasundayag usab sa Musikalayaan Concert sa pagpanguna sa Armed Forces of the Philippines (AFP), National Parks Development Committee (NPDC), ug sa Department of Public Works and Highways (DPWH) atol sa kasaulogan sa Araw ng Watawat ug Araw ng Kasarinlan niadtong nakalabay nga adlawng Sabado didto sa Central Lagoon sa Rizal Park, Manila.

Si Lt. Gen. Jessie D. Dellosa, Chief of Staff ng AFP, ang panauhing pandangal sa kaganapang ito. Dadalo rin si NHCP Executive Director Ludovico Badoy at NPDC Executive Director Juliet H. Villegas.

Pagka Dominggo gipahigayon ang “Parada ng Pag-anyaya” sa pagpanguna sa Association of Volunteer Fire Chiefs ug Fire Fighters of the Philippines, Inc. (AVFCFFPI), uban sa NHCP, National Parks Development Committee (NPDC), Armed Forces of the Philippines (AFP), ug Metropolitan Manila Development Authority (MMDA).

Si Department of Interior and Local Government (DILG) Secretary Jesse M. Robredo mao ang guest of honor sa maong kalihokan.

Gipasidunggan usab sa Araw ng Kasarinlan ng Pilipinas ang nasudnong bayani nga si Gat Jose Rizal sulod sa tulo ka adlaw, Hunyo 11-13, pinaagi sa 30-minutos nga light and sound sculptural tableau sa mga katapusang adlaw ni Rizal nga gitabangan paghimo sa mga national artists nga sila Leandro Locsin, Lamberto Avellana, Lucio San Pedro ug Rolando Tinio. Gititulohan nila kini ug “Kamartiran ni Dr. Jose Rizal: Ilaw at tunog” diin kini gipasalida nga libre sa Pinagbarilan, Rizal Park, Manila.

Karon ug ugma nga adlaw, Hunyo 11 at 12, mopahigayon ug Agri-Aqua Fair and Exhibit ang Department of Agriculture (DA) didto sa Rizal Park, Manila.

Mopakita usab ug static display, silent drill, sky diving, ug band exhibition ang AFP ug Philippine Coast Guard (PCG); drill exhibition sa Philippine National Police Academy (PNPA); ug drum and bugle exhibition ng Metro Manila Development Authority (MMDA).

Tapuson ang kasaulogan ugma, Hunyo 12 sa mga naandang duwa sa nasud sama sa Arnis ug Pentak Silat nga pangunahan sa Philippine Sports Commission. Aduna usa’y Kalayaan Concert, Party Kalayaan, ug firwworks display didto sa Quirino Grandstand. (EOPT/Translated by MLT-PIA8 Biliran)