Cebuano News: DBM mipagawas ug P5.5B alang sa resettlement program

By Ma. Lailani P. Tupaz

Wednesday 6th of June 2012

LUNGSOD QUEZON, Hunyo 6 (PIA) -- Mipagawas ang Department of Budget and Management (dbm) P5.5 bilyones ngadto sa National Housing Authority (NHA) alang sa Resettlement Program aron matabangan pagpauswag sa kondisyon sa pinuy-anan ang mga pamilyang anaa sa peligrosong mga dapit o sagad mabiktima sa kalamidad.

Ubos sa maong programa, ihatag ang mga balay sa mga pamilyang sagad gawas na sa siyudad uban ang mga pasilidad sama sa eskwelahan, sentro sa panglawas ug pakabuhian, ug police outputs sa bag-ong housing sites, matod ap ni Budget and Management Sec. Florencio B. Abad.

Ang NHA miingon nga ang programa maglakip sa 12,227 ka house and lot packages; 10,188 housing units; ug 16,257 ka mga pamilya sa tibuok nasud.

Samtang ang P5.5 bilyones nga pondo bahinon ngadto sa mosunod: P4.15 bilyones alang sa NHA-administered rehousing activities; P1.006 bilyones ngadto sa LGUs alang sa Regional Resettlement Program; P82.6 milyones alang sa housing support activities; ug P252.4 alang sa critical community support services sa mga gibalhin nga pamilya.

Ubos sa administered rehousing activities, P2.7 bilyones ang gamiton pagbalhin sa mga informal settlers sa high-risk areas sa Bulacan, Laguna, Metro Manila, Pampanga, Rizal, ug mga pamilyang natanggal sa mga dapit diin gamiton sa infrastructure projects sa gobyerno.

Laing P905.2 milyones ang igahin alang sa pagbalhin sa mga pamilyang nagpuyo sa mga gikondemna nga mga edipisyo.

Samtang P586 milyones sa P4.14 bilyones ang igahin sa relokasyon sa mga kabus ug sa mga informal settlers families nga naapektaran sa kalamidad ug alang sa housing assistance sa mga balay nga nangadaot apan wala kinahangalana nga ibalhin.

Ang kinatibuk-ang pondo, adto kuhaon sa Corporate Operating Budget nga nakalaan sa FY 2012 General Appropriations Act, sumala pa sa NHA.

Sa kinatibuk-an, nagtinguha ang administrasyong Aquino paggiya niini nga mga komunidad palayo sa kakabus ug padulong sa katilingbanon ug ekonomikanhong kalamboan. (Translated by MLT/PIA8 Biliran)