Cebuano news: Pangulo sa Morgan Stanley, New York Global Emerging Markets gidawat ni Aquino sa Malacanang

Sunday 19th of August 2012

MANILA, Aug 19 (PIA) -- Si Presidente Benigno Aquino III midawat sa pundok sa mga business executives aron hisgutan ang taligimaw nga economic situation ug posible nga mga investments sa nasud nga mahimong makahatag og dugang kahigayonan sa ekonomiya alang sa mga Filipino ug sa ingon mobentaha ang ilang kabutang segun sa panglantaw sa iyang administrasyon.

Si Ruchi Sharma, pangu sa Morgan Stanley, New York Global Emerging Markets, nakigkita kang Presidente Aquino sa courtesy call sa Music Room sa Malacanang Palace pagka Biyernes sa buntag.

Gikuyogan siya ni Munib Madni, managing director sa Morgan Stanley Investment Singapore ug Noel Bautista, chairman sa Deutsche Regis Partners, Inc.

Diha usab mitambong sila si Finance Secretary Cesar Purisima, Presidential Communications Development and Strategic Planning Office Secretary Ramon Carandang ug Trade and Industry Undersecretary Cristinio Panlilio.

Si Sharma misulod sa Morgan Stanley sa 1996 ug dunay 18 ka tuig nga kasinatian sa investment. Sa wala pa siya moapil dinhi, nagtrabaho siya sa Prime Securities (Delhi), usa ka non-banking financial services firm, diin mitabang siya sa pagdumala sa foreign exchange business.

Contributing editor siya sa Newsweek ug nakasuwat na sa mga publications sama sa The Wall Street Journal, Financial Times ug The Economic Times. (translated by mmp/PIA8-Southern Leyte)