Cebuano News: Walay kaso nasang-at batok ni bisan kinsang PIA officials ug mga empleyado sa 2011 -- Office of the Ombudsman

By Marcelo M. Pedalino

Monday 18th of June 2012

QUEZON CITY, Hunyo 18 (PIA) -- “No case had been filed in 2011 against PIA officials and personnel.”

Kini mao ang pasalig nga gihimo ni Assistant Ombudsman Woemark Ryan G. Layson sa sulat nga iyang gi-address ngadto kang PIA Director General Jose A. Fabia.

Sa sayo pa, may statistical report gipagawas sa Ombudsman nga nagpakita ang PIA ika-upat nga dunay 490 cases sa calendar year 2011.

Human madawat ang sulat gikan sa PIA (penetsahan May 22) nga nangayog clarification sa maong report, si Layson miingon nga ang ilang buhatan mi-review dayon sa “raw data which was a product of data integration manually undertaken based on the reports of our Area/Sectoral Offices.”

Tapos sa ikaduhang pagsusi, ang opisina sa Ombudsman nakakaplag nga ang “data were inadvertently recorded to PIA,” nagkanayon si Layson.

Gidugang niya nga mihimo dayon sila og remedial measure, gi-recall ug gi-revise ang hingtungdan nga news bulletin nga namantala sa ilang website. Niya pa: “We give assurance to be more prudent and prevent similar occurrence in the future.”

Si Atty. Jose A. Fabia sa interbyu miingon gikalipay niya ang maong clarification nga gihimo sa Office of the Ombudsman bisan pa man iyang gipahimug-atan nga ubos sa liderato karon nga mi-asumer sa puwesto sa 2010, ang PIA “has zero notice of disallowances, zero notice of suspensions, ug zero notice sa mga charges alang sa tanang audited financial transactions sa Central Office gikan sa 2010 hangtud karon.

Gidugang pa ni Fabia nga diha nay gihimong institutional reforms sa Agency ug ang mga paningkamot nagbunga diha sa mga accomplishments nga nahimo tugbang sa bili sa salapi. (EOT/translated by MMP/PIA8-Southern Leyte)