Cebuano News: Gobyerno desidedong pugngan ang pagsaka pagkuyanap sa HIV virus

By Marcelo M. Pedalino

Wednesday 13th of June 2012

MANILA, June 13 -- Ang Aquino government nakig-alayon sa lain-laing mga stakeholders ug mga private advocacy groups aron kombatehon ang nagtikadaghan nga mga gikatahung kaso sa immunodeficiency virus/acquired immune deficiency syndrome (HIV/AIDS) sa nasud, usa ka opisyal sa Palasyo nagkanayon pagka Sabado.

Si Deputy Presidential Spokesperson Abigail Valte miingon sa interview sa dzRB Radyo ng Bayan nga ang kagamhanan nagpabiling komitedo pagsanta sa nagkadaghang HIV-AIDS cases sa nasud pinaagi sa mas nakatutok ug multi-sectoral approach ug maayong pagpatuman sa prevention and control programs.

Ang Department of Health (DOH) milusad na sa information drive aron tudloan ang publiko kalabot sa fatal infection sa HIV-AIDS ug mga posibling pamaagi aron mapanalipdan ang lawas batok sa maong balatian.

Ang DOH hugot na nga nakig-dugtong dili lamang tali sa mga local government units kondi hasta na sa tanang dunay kalambigitan sa maong issue, si Valte miingon.

Matud niya nga ang mga hingtungdang government agencies naglusad usab og ilang HIV-AIDS prevention activities ug mga community home-based and support programs aron makawhat ang dugang pang mga tawo nga dunay risgo matakdan sa HIV/AIDS. (translated by mmp/PIA8-Southern Leyte)