Cebuano News: COMELEC uyon sa voter education sa HS

By Marcelo M. Pedalino

Tuesday 5th of June 2012

MANILA, Hunyo 5 (PIA) -- Ang Commission on Elections (COMELEC) mi-anunsiyo nga gipaluyohan niini ang balaodnon nga nag-tinguha mandatory na ang voter education sa high school curriculum.

Ang House Bill No. 5784 nga gi-introduce ni Paranaque Rep. Edwin Olivarez nagkanayon nga ang voters’ education angay itudlo sa fourth year high school nga mga estudyante sa pam-publiko ug pribado nga mga eskuylahan lakip na kadtong na-enroll sa Alternative Learning System (ALS).

Ang maong balaodnon nagtahas sa Department of Education (DepEd), COMELEC, ug Technical Education and Skills Development Authority (TESDA) sa pag-ugmad og common curriculum nga maglakip na sa Values Formation, Importance of the right to suffrage and the sanctity of the ballot, Factors in evaluating and choosing candidates, ug Electoral Process in the Philippines.

Si COMELEC Commissioner ug Voter Education Champion Elias Yusoph una nang nagpadayag pag-aprobar sa mao nga lakang.

Usa ka sinulat nga namantala sa website sa ahensiya nagkutlo kang Yusoph nga nag-ingon ang naasoy nga balaodnon dakog tabang sa nagapadayon nga paningkamot sa COMELEC nga ma-edukar ang mga bomoboto, labina ang mga batan-on, ang bili sa katungod pagboto, ug mga kalihokan sa electoral process. (EOPT/Translated by mmp-PIA 8, Southern Leyte)