Cebuano News: OWWA nagpasidungog sa 800 ka OFWs ug ilang pamilya sa Migrant Workers Day sa East Visayas

By Rebecca S. Cadavos

Friday 8th of June 2012

TACLOBAN CITY, Leyte, June 8 (PIA) -- Ang Overseas Workers Welfare Administration kon OWWA sa Eastern Visayas naghatag ug pasidungog sa 800 ka Overseas Filipino Workers o OFW ug ilang pamilya gahapon, Hunyo 7.

Si OWWA 8 Director Evangeline Filamor nagkanayon nga ang maong kalihokan diin ginganlan ug Araw ng Pasasalamat, usa ka adlaw nga panagtigum diha sa Leyte Provincial Capitol Gymnasium diin giatul sa selebrasyon sa Migrant Workers Day .

Ang OWWA nagtakda ug lainlaing kalihokan nga nagtumong sa paghimo sa maong adlaw nga memorable alang sa mga OFWs ug ilang isig kapamilya ug subay usab sa temang, “OFW, sa Sipag at Galing, Bilib Kami Sa ‘yo.”

Lakip sa mga aktibidades mao ang calisthenics, service fairs, fun games, ug raffles. Apil usab sa mga kalihokan ang Pre-Departure Orientation Seminar nga ipahigayon sa Philippine Overseas Employment Administration kon POEA ug mga lectures ug demonstrations kabahin sa marketing ug packaging sa mga produkto gikan sa gobyerno ug pribadong institusyon. Ang kalihokan gipahigayon matag tuig aron sa paghatag ug importansya ug pag-ila sa importanteng kontribusyon sa mga OFWs sa nasud ug sa katawhan, matu pa ni Filamor.

Ang OFWs nga gibanabanang mokabat sa 15 milyones, moremit ug bilyones ka dolyar kada tuig, diin nagsustinir sa consumer-driven nga ekonomiya ug nakapalambo sa nagkausbaw nga kita.

Usa sa major thrust karong tuiga atul sa pagselebrar sa Migrant Workers Day mao ang pagpalig-on sa kampanya batok sa illegal recruitment diin ang mga biktima mahingadto sa pagkahurot sa ilang life savings ng awalay makitang trabaho.

Ang selebrasyon sa Migrant Workers Day nagsubay sa Section 39 sa Republic Act No. 8024, diin nagpahibalo sa “the day of signing by the President of the Act shall be designated as the Migrant Workers Day and shall henceforth be commemorated as such annually.”

Ang Republic Act No. 8042, o giilang Migrant Workers and Overseas Filipino Act of 1995, usa ka akta nga naghimo ug mga palisiya alang sa overseas employment ug paghimo ug mas taas nga standard sa pagprotektar ug pagsuporta sa kaayohan sa mga migrant workers, ilang pamilya ug overseas Filipinos nga anaa sa kalisod ug uban pang katuyoan. (EOPT/Translated by RGC-PIA 8, Southern Leyte)