Cebuano news: Malacanang nagpamatuud sa pagbiya sa DILG ni Undersecretary Puno ug ipatuman sa gilayon

By Teresita B. Cardenas

Wednesday 12th of September 2012

MANILA, September 12 (PIA) -- Ang Presidente Benigno Aquino III midawat sa pagbiya ni Undersecretary Rico E. Puno sa Department of Interior and Local Government (DLIG) kahuman sa iyang pagtrabaho sa administrasyon ug sobra duha ka tuig.

Sa miaging Biernes, ang kanhi Undersecretary Rico E. Puno nagpasa sa iyang sulat pagbiya ngadtp sa Presidente, pinaagi kang Executive Secretary Paquito Ochoa Jr. Ang Presidente gidawat ang iyang pagbiya ug gipatuman kini sa gilayon, si Lacierda nagingon sa pahamatngon sa mga magbabalita sa Malacanang sa Martes.

Ang pagbiya nga sulat ni Puno gipasa pinaagi kang Executive Secretary Paquito Ochoa Jr. sa miaging Biernes, sa paglarga ni Presidente ug sa iyang opisyal nga delegado ngadto sa Vladivostok, Russia aron motambong sa ika-20 nga Asia Pacific Economic Cooperation (APEC) Summit.

Sa iyang duha ka pahina nga pahayag nga gipagula sa Martes, si Puno nagingon nga mitoo siya nga masangputon niya nga gihimo ang iyang katungdanan ug resposibilidad isip DILG Undersecretary for Peace and Order, ug nagpasalamat sa Punoan nga Ehekutibo alang sa iyang pagsalig ug pagtoo.

Si Puno lantugion sa miaaging mga semana sunud sa sumbong nga nagtinguha siya pagsulud sa opisina ug condominion unit sa mipanaw nga Interior and Local Government Secretary Jesse Robredo kaniadtong Agosto 19.

Ang mipanaw nga DILG opisyal nagingon nga katungud niya nga magpabilin nga mamingaw bisan pa sa tanan nga sumbong tungud kay katungdanan niya nga maglihok nga dunay pagpugong ug kamabinantayon, bisan ug siya nagsagubang sa pagsaway sa mga magbabalita. (LDL/Translated by Teresita B. Cardenas/PIA 8-Northern Samar)