Cebuano news: Presidente Aquino nanguna sa pagsaulog sa ika-55 nga anibersaryo sa Social Security System

By Teresita B. Cardenas

Tuesday 4th of September 2012

MANILA, Sept 4 (PIA) -– Ang Presidente Benigno Aquino III miduyog sa mga opisyal ug empleyado sa Social Security System sa pagsaulog sa ika-55 nga anibersaryo nga gihimo sa pension fund’s main office sa Quezon City sa Lunes.

Sa iyang pagpakigpulong, ang Presidente gidayeg ang SSS sa ilang kamalungtaron ug kasaligan nga kaabay sa mga Pilipino nga nagkinahanglan.

Iya usab nga gipadayag ang pagsalig ug pagtahod sa tagsatagsa nga mga Pilipinonga miembro sa SSS – ug sa mga empleyado nga giuna ang pag’atiman ang kwarta nga gihagoan nila pagkuha.

Iyang giaghat ang mga empleyado sa SSS nga nagpabilin nga dili matarog ug mabinantayon sa pasiugda sa administrasyon kontra sa panghiphip.

Ang SSS gitukud sa Septembre1, 1957 pinaagi sa pagpasa sa balaod sa Social Security Act of 1954 o Social Security Law nga nagtinguha pagpauswag ug pagpalambo ug mabuhi, malukpanon ug makatarunganon nga social security protection scheme, nga sibo sa mga gikinahanglan sa katawhan sa Pilipinas.

Ang tema karong tuiga mao : SSS: Kabuhayang Pinagsisikapan, Suguridad Maasahan.” (EOPT/Translated by Teresita B. Cardenas-PIA 8, Northern Samar)