Cebuano news: Aquino nagbalik pagbisita sa nadapatan sa baha nga mga dapit, nagsugod sa iyang pinuy’anan nga probinsya sa Tarlac sa Central Luzon

By Teresita B. Cardenas

Sunday 12th of August 2012

MANILA, 12 Agosto (PIA) -- Ang Presidente Benigno Aquino III nagbisita sa iyang pinuy’anan nga Probinsya sa Tarlac sa Biernes pagtasal sa kagub’anan sa dako nga baha sa lungsod sa Paniqui ug Capas nga dala sa habagat nga ulan ug nanguna sa pagbahinbahin sa mga pagkaon sa nadapatan nga mga pamilya.

Sa iyang mensahe sa Paniqui, Tarlac, ang una niya nga gihunongan, ang Presidente nagingon nga nagbisita siya sa probinsya aron makita niya nga ang tabang sa gobyerno moabot sa mga tawo nga nadapatan sa baha. Gusto usab niya mahibaloan kung unsa nga inpraestraktura ang gikinahanglan pagpugong sa baha sa probinsya.

Ang Presidente nagbisista sa gibakwitan nga sentro sa Apulid sa Paniqui nga karon dunay 205 nga pamilya ug mga 798 nga mga tawo. Dunay 1,047 nga apektado nga pamilya sa baha sa 14 nga barangay sa Paniqui, matud sa ihap sa gobyerno.

Kahuman sa Paniqui, ang Presidente miadto sa Capas ug nagpasalig sa nagpuyo didto sa tabang sa gobyerno. Ang DPWH ingon niya, usab magusisa sa mga dalan ug tulay nga nadaot sa baha.

Sa iyang pagpakigpulong, ang Presidente nalipay nga nakakita nga ang mga biktima, wala kawad’i ug paglaum ug nagpabilin nga hitaas ang espiritu.

Ang Presidente usab nagpasalamat sa uban nga local government unit sa paghatag ug tabang sa mga biktima. Iyang gipasabut nga ang Albay nagpadala ug 35 ka tawo nga magluwas sa nadapatan nga mga dapit, samtang ang Cagayan nagpasalig nga magpadala ug 1000 ka sako nga bugas.

Ang pribado nga kompanya sama sa San Miguel Corporation ug Yokohama Tire Philippines usab maghatag ug tabang sa mga biktima sa baha, ang Presidente nagingon ug nagdugang nga naglaum siya ug taghatag nga gikan langyaw pagtabang sa biktima sa umalabot nga adlaw. (Translated by Teresita B. Caredenas/PIA 8-Northern Samar)