Cebuano news: Aquino nag’awhag sa mga batan’ong Pilipino nga mosalmot sa nation-building

By Teresita B. Cardenas

Saturday 4th of August 2012

MANILA, Aug 4 (PIA) -- Ang Presidente Benigno Aquino III nag’awhag sa mga batan’on nga mosalmot sa pagpakita ug kalooy ug pagkamahinatagon ug motabang sa isigkatawo sa pagpabalik sa kauswagan ug kalamboan sa nasod.

Sa awarding nga seremonyas sa Ten Outstanding Students of the Philippines (TOSP) sa Rizal Hall sa Malacanang sa Huwebes, ang Punoan nga Ehekutibo naghangyo sa mga batan’on nga manginano sa kaayohan sa isigkatawong Pilipino pagkab’ot ug mas mahayag nga kaugmaon.

Ang Presidente gihatagan ug pasidungog ang napulo nga estudyante gikan sa 30 nga national finalists nga giila sa ilang academic ug professional excellence, leadership ug social responsibility nga nakaangla sa maayo ug bililhon nga panghunahuna.

Ang TOSP 2012 awardee mao sila Kenneth Isaiah Ibasco Abante gikan sa Ateneo de Manila University, Angelita Adajar Bombarda gikan sa De La Salle University, Jerome Ven David gikan sa De La Salle University-Manila, John Michael Flores Dellariarte gikan sa Ateneo de Zamboanga University, Daniel Philip Villaranda Dy gikan sa Ateneo de Naga University, Jay-R Mesa Mendoza gikan sa University of Rizal System-Morong Campus, Ruthell Abgusto Moreno gikan sa West Visayas State University, Mana Janua Bacolod Polinar gikan sa Central Mindanao University, Kurt Gerrard Tiu See gikan sa De La Salle University-Manila ug Juan Carlo Pe Tejano gikan sa University of the Philippines-Diliman.

Karong tuiga, dunay 243 nga entries nga gipasa sa regional screening, 87 sa ila giscreen sa asembleya pagpili sa napulo nga nanguna sa 30 nga finalists.

Gawas sa Ten Outstanding Students of the Philippines (TOSP), ang Punoan nga Ehekutibo usab nagpasalamat sa tanan nga finalist. Ang Punoan nga Ehekutibo nanawagan sa mga batan’on nga magpabilin paghalad ug pasiugda ug maghatag inspirasyon sa kalamboan sa nasod.
Ang TOSP padayon nga nag’ila sa labing maayo nga estudyante pinaagi sa pasiugda sa RFM Foundation, Inc, sa panagbulig sa Commission on Higher Education, and National Bookstore ug uban pa.

Nakaangla sa pagpauswag sa, katarong, kahawud, kahadlok sa ginoo ug serbisyo nga paagi nga makahimo ug takus nga mga lider, ang TOSP gitukud sa Hunyo 19, 1961, usa ka gatos nga anibersaryo sa natawhan sa nasyonal nga bayani nga si, Dr. Joe Rizal, sa negosyante nga si Jose Concepcion, Jr. (EOT/Translated by Teresita B. Cardenas-PIA8 Northern Samar)