Cebuano news: Malacanang nagaghat sa mga estudyante nga magpugong pagsalmot sa mapintas nga kalihukan

By Teresita B. Cardenas

Wednesday 1st of August 2012

MANILA, Agosto 1 (PIA) -- Ang Malacanang nanawagan sa mga estudyante nga magpugong gikan sa pagsalmot sa mapintas nga kalihukan sama sa pagpahamtang ug kadaot sa uban, kay dunay laing kaso sa gitahapan nga hazing nga nagsangput sa dili pala dugay nga kamatayon sa estudyante nga gikan sa San Beda Law school.

Ang Deputy Presidential Spokesperson Abigail Valte nagpagula sa panawagan sa sulud sa naandan nga pahamangon sa mga magbabalita sa Martes sa Malacanang ug nagpatigbabaw nga walay usa nga nakakuha ug kaayohan gikan niini.

Kung tinuud nga kini biktima sa hazing, ihunong na nato ang parehas niini nga kapintas nga hilimoon, wala may makuha niini, ingon ni Valte.

Iyang gipasalig nga ang Philippine National Police naghimo ug tim’os nga pagusisa niini nga kaso.

Sa asoy nahibaloan nga ang estudyante sa San Beda law school namatay kahuman mag’agi ug hingpit nga tulumanon sa gitahapan nga praternidad sa Dasmarinas, Cavite sa Domingo.

Sa facebook, ang Lsghotline sbc., ang San Beda Law Sudent Government nagpamatuud sa kamatayon ni Marc Andrei Marcos.

Samtang naghulat pa sa pagusisa, ang kaso gitagad nga pangbugbug nga hitabo.

Kung ang anggulo sa hazing mapamatud’an, si Marcos ang ikaduha nga estudyante sa San Beda Law nga namatay sa hazing karong tuiga kahuman kang Marvin Reglos, nga namatay sa Pebrero. (EOPT/Translated by TBC/PCOO-PIA8, Northern Samar)