Cebuano news: Department of Budget and Management nagpahibalo sa laraw sa 2013 badyet

Thursday 12th of July 2012

MANILA, Hulyo 12 (PIA) -- Ang Department of Budget and Management (DBM) nagpahibalo sa paghuman sa pag’andam sa laraw sa P2.006 –trillion “Empowerment Budget” ubus sa National Expenditure Program (NEP) sa panalapi nga tuig 2013 pagtabang sa dili matarog nga panalimbasog sa pamunoan ni Aquinoug sa pagtuman sa iyang saad pagkab’ot pagkunhod sa kakabus ug padayon nga paguswag sa ekonomiya.

Sa pahamatngon sa mga magbabalita sa Martes, ang Budget Secretary Florencio Abad nagingon nga ang laraw sa 2013 nasyonal badyet gihimo sa pagpalandong sa lima nga punoan nga prinsipyo pagpasiguro nga nanguna ang mga pograma nga gitumong nga makab’ot sa pamunoan ni Aquino.

Kini nga badyet gihimo subay sa lima nga prinsipyo, ang una ang halawum ug dako nga saad sa katawhan ni Presidente Aquino, ang ikaduha mao ang pagdali paghuman sa nanguna nga tumong nga programa, ang ikatulo mao ang makusog nga pagbuhat sa responsible nga gobyerno, ikaupat ang katin’aw alang sa malaksi nga pagpatuman sa badyet ug mas matin’aw nga sangputanan, ug sa katapusan mao ang mas dako nga pagsalmot sa mga stakeholder sa pagpangandam ug pagpatuman, ingon ni Abad.

Gusto nato nga kini nga badyet mapalaksi ang paghuman sa tumong nga prayoridad nga programa sa ingon, padulong niini nga katapusan atong gipili ang Department of Public Works and Highways nga mamuno nga ahensya sa inpraestraktura, nga ang kahulugan, ang tanan nga pagtukod nga hilimoon himoon na karon .. ang plano , ang gasto, ang pagdangat ug ang pagpuhal ug hasta ang pagpamaneho sa DPWH aron ang uban nga ahensya makatagad sa kinatiwalid’an sa ilang trabaho, dugang niya.

Akong ipadayag sa inyo ang badyet nga ipasa namo sa Hulyo 24 sa Kongreso, sa adlaw mahuman ang Presidente maghatag sa iyang SONA, ang tema sa badyet sa sunud nga tuig mao ang ‘Atas ng Bayan’. Sa miaging tuig ang atong paghubad sa Paggugol ng Matuwid’ ang paggasto nga diritso, gilayon ug tinuud nga dunay hasmag sa katawhan, nagingon si Abad.

Karong tuiga, hatagan nato kahulugan ang Paggugol ng Matuwid, mga butang nga ang katawhan, labi na ang mga kabus nga naghangyo sa “Atas ng Taumbayan” , nga gitawag nato nga paghatag gahum nga badyet tungud kay matag piso nga atong gastohon niini nga badyet makahatag ug kaayohan sa katawhan labi na sa mga kabus nga sa niini nga paagi masinati nila nga gihatagan nato sila ug gahum, iyang gipasabut. Sa laing pahayag, ang labaw sa DBM gipatigbabaw ang mando sa katawhan kang Presidente Benigno Aquino III.

Tungud niini, ang pamunoan ni Aquino gilaraw ang 2013 nga paggasto nga plano isip Empowerment Budget: badyet nga nagtinguha pagtangtang sa mga kabus gikan sa kakabus ug magpuhunan sa ilang kaarang pagsalmot ug makahuluganon sa ekonomiya. Kini usab badyet nga magpahilawum sa pamaayo sa paghatag sa katawhan ug kusog pagsalmot sa panggobernohan ug pagmando sa gobyerno nga responsable kanila, ingon niya. (EOPT/Translated by TBC-PIA8 Northern Samar)