Cebuano News: Aquino naginagurar sa $200-M nga pasilidad sa dunggoanan sa Manila

By Teresita B. Cardenas

Thursday 28th of June 2012

MANILA, Hunyo 28 (PIA) -- Ang Presidente Benigno Aquino III naginagurar sa bag’o nga gitukud nga pasilidad sa dunggoanan sa International Container Terminal Services, Incorporated (ICTS) nga nahimutang sa Manila International Container Terminal (MICT) sa Manila sa Huwebes.

Ang Presidente nanguna sa mga opisyal, empleyado ug mga pinasidunggang dinapit sa ICTSI nga gipangunaan sa ilang president Enrique Razon, Jr. sa pagbubu ug alak nga sampan sa marka sa pasilidad sa pormal nga pagbukas sa ICTS Berth 6’s operation ngadto sa publiko.

Gitukud sa kantidad nga $200 ka milyon, ang Berth 6 nagdugang ug 300 ka metros nga dugang nga dapit sa dunggoanan ug 12 ka hektarya nga tipiganan nga sudlanan sa maong pasilidad ug sa ingon nakapahaluag sa palakaw ug serbsisyo sa MICT gikan sa 1.9 ka milyon nga twenty-foot equivalent units (TEUs), ang sukol nga gamiton alang sa kapasidad sa transportasyon nga sudlanan, ngadto sa 2.5 ka milyon nga TEUs.

Sa Berth 6, ang MICT karon dunay 1,600 ka metros nga kamarote nga makasulod ug lima ngadto sa pito nga sudlanan nga barko sa samang panahon.

Sa pagtabang nga makapalihok ug daghan nga sudlanan, ang pagdumala sa sudlanan nga kasangkapan sa MICT gipauswag apil ang 12 nga landiganan nga makinang igpanakwat ug 45 nga goma sa ligid nga gantries.

Miduyog kang Presidente sa inagurasyon mao sila Manila Mayor Alfredo Lim, Transportation Secretary Manuel Roxas II ug ang Philippine Ports Authority General Manager Juan Sta. Ana.

Ang ICTS nanguna nga tagdumala sa dunggoanan nga kompanya nga may kalabutan sa pagpalakaw ug pagpauswag sa 23 nga duggoanan sa dagat ug dunggoanan nga proyekto sa 17 nga nasod sa kalibutan. (Translated by Teresita B. Cardenas/PIA 8-Northern Samar)