Cebuano news: Aquino gidawat ang bumibiya nga Danish Ambassador sa Pilipinas sa Malacanang

By Teresita B. Cardenas

Friday 15th of June 2012

MANILA, June 15 (PIA) –- Ang bumibiya nga embahador sa Denmark sa Malaysia ug sa Pilipinas Svend Waever naghatag ug katahuran nga panamilit kang Presidente Benigno Aquino III sa Malacanang sa Huwebes sa hapon.

Si Waever nahimo nga Danish Ambassador sa Malaysia ug Pilipinas sa Septembre 2008 kahuman sa iyang alatabangon sa Nicosia Cyprus.

Apil sa dako nga salmot sa gobyerno sa Denmark sa Pilipinas mao ang pahupay nga panalimbasog sa mga nabuhi sa Bagyong Sendong sa Disyember sa miaging tuig. Si Waever nagbisita sa palakaw nga pagpahupay nga serbisyo sa Cagayan de oro City ug sa labing daghan nga nadaot nga dapit sa bagyo sa maong dapit.

Niadto nga panahon, ang gobyerno sa Denmark nagsaad paghatag ug DKK 300,000 (mga P2.68 milyon) alang sa gilayon nga pagpahupay sa daotang kabutang sa 1,500 nga gitumong nga tabangan nga mga pamilya nga apil sa libolibo ka gatos nga biktima sa Bagyong Sendong sa amihan-sidlakan nga bahin sa Mindanao.

Si Foreign Affairs Secretary Albert del Rosario usab mitambong sa panamilit nga pagbisita sa embahador sa Denmark sa presidente. (Translated by Teresita B. Cardenas/PIA 8-Northern Samar)