Cebuano News: Aquino nagmando sa Regional Tripartite Wage and Productivity Board nga ton’an ang kalagmitan nga pagdugang ug sweldo

By Teresita B. Cardenas

Thursday 3rd of May 2012

MANILA, Mayo 3 (PIA) -- Ang Presidente Benigno Aquino III nagmando sa Regional Tripartite Wage and Productivity Boards (RTWPB) nga dalion ang pagpakigsayod, ug pagpakigsultihay ug ton’an ang kalagmitan nga maghatag sa mga Pilipino sa ilang mainiton nga tinguha alang sa dugang nga sweldo.

Ang Presidente nagbukas sa iyang mando sa RTWPB sa iyang pagpakigpulong sa higayon sa ika-110 nga pagsaulog sa Labor Day sa Martes sa Malacanang.

Ang Presidente sa sayo pa nagpahayag ug kabalaka sa pagsuporta sa P125 nga dugang nga sweldo ug nagingon nga kini dili mabungahon tungud kay magpahataas sa prersyo sa mga palaliton ug uban nga serbisyo.

“Mao gani nga kinahanglan nga makigsayod ug ton’an ang pagdugang sweldo, nga gipaagi nato sa Regional Tripartite Wage and Productivity Baords. Gipadali nako ang pagpakigsayod sa mga katipunan sa mga mamomoo aron makahatag na kita ug bag’o nga wage order sa labing madali nga panahon,” ang Presidente nagingon.

Ang Punoan nga Ehekutibo usab nagingon nga gusto niya nga pauswagon ang isyu pagsubcontract, nga ingon niya malagmit abusohon gikan sa mga agalon.

Iyang gipunting nga ang House Bill No. 4853, nga nagtubag sa subcontracting, maghimo ug mas daghan nga kadaot kaysa maayo kay basin maoy hinungdan sa daghan nga mawad’an ug trabaho kung ang balaod masang’at.

Ang Presidente usab nagingon nga iyang gimandoan ang Tripartite Industrial Peace Council (TIPC) nga panginanoon kini. (EOPT/Translated by TBC-PIA 8, Northern Samar/PCOO)