Waray News: Malakanyang nagwarning san mga eskwelahan san pagpabayad san kag-anak sin iligal nga kabaraydan

MANILA, June 4 (PIA) -– Otro nga ginpahamtang sa Malakanyang nga an kag-anak san mga estudyante tikang sa kindergarten ngadto sa Grade IV in diri pababaydon sin bisan nano nga kabaraydan subay san mando san Department of Education.

Dida san press briefing nga ginpadayag sa Radyo ng Bayan, an Deputy Presidential Spokesperson nasugad nga bisan sin-o nga personahe sa eskwelahan o sa Parent-Teachers Association nga makit-an nga nagbuhat kontra san mando san departamento in maatubang sin kaangayan nga sirot.

Sugad ugaring niya, yaun mga kabaraydan sugad san Boy Scouts, Girl Scouts, Philippine Red Cross, school publications, anti-TB fund drive ngan PTA, ngan ini pwede kolektahon sa boluntaryo nga pamaagi tikang sa studyante sa Grade V ngadto sa Fourth Year High School.

Duon ni Valte, an diri pagbayad san mga estudyante san ginpanngaranan nga kabaraydan in diri rason nga diri maka enrol, diri maka ursa ngadto sa sunod nga grado ngan diri katagan sin clearance.

Dugang niya, an mga PTA nga nagpipirit nga karuyag himuon an karuyagon in kawawad-an sin pagrekognisar , ngan an mga personahe sa eskwelahan nga magpipirit nga diri admitiron an kabataan tungod san mga kabaraydan in katatagan sirot sa DepEd. (EOPT/Translated by Ailene Diaz-PIA 8, Northern Samar/PCOO)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines