Waray news: Sangguniang Panlalawigan han Eastern Samar nag-aprobar han P600-M nga provincial budget

Thursday 12th of July 2012

BORONGAN CITY, Eastern Samar, July 12 (PIA) -– Gin-aprobaran na an ginproponer nga budget nga masobra hin P600 million para han gobyerno probinsyal han Eastern Samar .

Ini en dara hadton mayoridad nga botos nga walo (8) kontra lima (5), sanglit na-aprobaran an provincial budget hadton Lunes nga adlaw duranti ini han regular session han Sangguniang Panlalawigan (SP). Kon mahinunumduman, an korte hadton Hunyo en nagpagawas hin kasugo-anan pagwaray bale hadton Appropriation Ordinance, nga kon diin naghihinabi dara nga “dire sadang an numero han botos” nga pito (7) kontra unom 6) komo asya ini nga rason.

Dida hadton nauna nga pahayag ni Governor Conrado Nicart nga kon diin ini en hinbati-an ha kahanginan han Radyo ng Bayan DYES, hiya en nagsering nga dire hiya mag-iimplementar hadton re-enacted budget lugod iya igpapadayon an pag-implementar hadton 2012 budget labi na gud ha parti han pansweldohan han empleyado han probinsya.

Pero hadton Lunes nga adlaw, dida han iya urgent request, nga pareho ngahaw nga Appropriation Ordinance en iginpasalawad niya ngan ini en gintratar ngahaw han SP, dida mismo hadto nga adlaw nahipasa ngan na-aprobaran han walo (8) nga mga board member nga kon diin hira en binotos pag-uyon pabor han ordinansa ngan lima naman an waray pabor. (PIA-E. Samar, translated by: SDC/EOP/AFN/PIA-Eastern Samar)