Waray news: Government ginpapakusog an pakigsumpayan ha media para ipasarang an inpormasyon durante han mga kalamidad

Wednesday 1st of August 2012

MANILA, Agosto 1 (PIA) -- An gobyerno in magpapadayon pagpakurukusog han pakigsumpayan ha butnga han gobyerno ug press pinaagi han traditional ngan social media agud mapasabot an publiko han mga isyu labi na gud durante han mga kalamidad.

“An traditional media in pairmi naton kasugbong ha pagpasarang han inpormasyon ngadto ha publiko. An gobyerno in pirmi nagdadayaw han papel han media labi na ha oras han mga kalamidad. Pirmi kita matapod ha aton mga kasugbong nga media agud maseguro nga mayda primi ngan matatapuran nga abiso, giya ug inpormasyon para masuguro an katalwasan ug kaupayan han mga tawo,” sering ni Deputy Presidential spokesperson Abigail Valte ha pahayag han Martes.

Ha pagtikadamo han social media, an gobyerno Aquino in padayon nga naghihingita pagapauruupay han mga modelo hin pagpasarang hin inpormasyon durante han mga naglabay nga mga kalamidad, sugad han pag-andam para han mga tsunami, bagyo, ug iba pa nga mga distroso han panahon.

Ug han kanan gobyerno pirmi presensya ha pakigsumpayan, nga direkta nga nagsusumpay han publiko ug mga buhatan han media, ini in naghihimo han gobyerno nga pirmi makapahamtang han mga kabag-uhan ug katatapuran nga mga report nga ginpapasarang han mga buhatan han pagpasamwak, sering niya.

“Pero diri nagsesering an gobyerno nga social media la an lauman dara nga an inprastraktura han internet in nanginginahanglan pa pagpauruupayon ug han partisipasyon han komunidad,” sering ni Valte. (Trans. by GTT/PCOO-PIA8)