Waray news: Villanueva nag-aghat han mga Filipino nga magtagamtam han kanan TESDA mobile learning centers

By Gemma T. Tabao

Thursday 21st of June 2012

MANILA, June 21 (PIA) -- Ha paningkamot nga ma-implementar an prayoridad nga mga programa ni Pangulo Benigno S. Aquino III para mapahuruhiluag an naabot han mga serbisyo nga ginhahatag han Technical Education and Skills Development Authority (TESDA) ug an pagpasarang han mga programa nga nakatutok ha pagkada hin durudamo nga mga oportunidad ha ekonomiya para han mga Filipino, hi TESDA Director General Joel Villanueva in nag-aghat han mga interesado nga mga Filipino nga mahag-id ug magkaada hin durudamo nga mga hibaro ha ilarom han TESDA Mobile Training plus (Park and Train).

Iginlunsad han naglabay nga Pebrero durante han k an Pangulo Aquino pagbisita ngadto han kanan TESDA opisina ha Taguig City, an Mobile Training plus (Park and Train) in kanan gobyerno bag-o nga pamaagi para madara an mga serbisyo ha paghag-id ngadto ha masa.

An Mobile Training plus in nakomplemento han classroom nga mga paghag-id nga ginhatag han TESDA pinaagi han iya mga kasugbong nga mga institusyon. Ini in nagpapakita gihapon han makusog nga panpubliko ug pribado nga pagkasugbong ha butnga han ahensya ug pribado nga mga donor, nga naghahatag hin mga sarakyan nga ginhihimo nga mobile learning centers.

An Mobile Training Bus in nagkaada na hin mga programa ha paghag-id ha Barangay Bagong SIlangan, usa han pinakapobre nga komunidad ha Quezon City, nga mayda na total nga 124 nga mga nag gradwar ug ha Barangay Tumana ha Marikina City nga mayda 141 nga mga nag gradwar.

An mga kurso ha ilarom han Park and Train nga programa in nag-uupod han Small Engine/Motorcycle Servicing, Electrical Installation and Maintenance (EIM), Computer Hardware Servicing, Haircutting, Massage Therapy ug Community Disaster Management nga Programa.

Hi Villanueva in nagsering nga an park and train model in pagsusubaron ha iba iba nga mga rehiyon han nasud. Ha Rehiyon 7 la, mayda na walo nga mga mobile training bus ug mayda liwat tulo ha Rehiyon 4A, ha Batangas.

Damo na nga mga nag gradwar han Park and Train in yana may trabaho na, kadak-an kalugaringon nga trabaho, nga nagpapahitaas han kalidad han ira kinabuhi ug han ira mga pamilya. (Translated by GTT-PIA8, PCOO online news)