Waray news: Pangulo Aquino nagtapos han iya 3-ka adlaw nga pagbisita ngadto ha United Kingdom

By Gemma T. Tabao

Saturday 9th of June 2012

MANILA, June 9 (PIA) -– An Department of Foreign Affairs (DFA) in nagpasabot nga hi Pangulo Benigno S. Aquino III in malinampuson nga nagtapos han iya tulo ka adalaw nga pagbisita ngadto ha United Kingdom han Hunyo 6.

Hi Pangulo Aquino in nakadto han nasud kumo bisita han gobyerno han UK." Ini in siyahan niya nga pagbisita ngadto ha UK ug Europe tikang hiya magtuma posisyon han 2010.

Samtang nakadto ha London, hi Pangulo Aquino in nakipagkita kan Prime Minister David Cameron ha 10 Downing Street agud makighisgot han magkaluyo nga mga butang nga nag-uupod han kanan Pilipinas ug UK kooperasyon ha politico ngan ekonomiya, an proseso han kamurayawan ha Mindanao, labi na an kanan UK partisipasyon ha International Contact Group, an mga panhitabo ha West Philippine Sea ug an kanan Pilipinas paningkamot para hin mahimyang nga resolusyon, maupay nga pan gobyernuhan ug kontra korapsyon nga mga pitad han duha nga nasud, ug iba pa nga mga isyu ha rehiyon ug ha langyaw.

Nahidabihan gihapon nira an migration nga mga isyu nga may kalabutan ha Pilipinas ug an magkaluyo nga mga butang kaparte han komersyo. An Pangulo in nagpasabot gihapon han Prime Minister han mga panhitabo ha Pilipinas, upod na an positibo nga mga palisiya han gobyerno ha reporma pan ekonomiya.

Hi Pangulo Aquino in nagkaada gihapon hin mabinungahon nga mga miting ha negosyo kaupod an mga British ug iba pa nga mga European nga mamuruhunan, nga nagpahayag han ira interes ha pagkaada hin negosyo ha Pilipinas pinaagi hin pagpirma hin MOU ug MOA para hin katangduan ha negosyo nga nagkakantidad hin sobra 2 billion dollars. Hira in nagpahayg gihapon hin suporta para han Public-Private Partnership nga programa han administrasyon ni Aquino. An dagko nga mga kasarabutan in ginpirmahan han Shell, Rolls Royce ug Cebu Pacific, ug Gaz Asia Ltd ngan Aboitiz Ventures Gas.

Hi Pangulo Aquino in nakipagkita han HRH an Duke of York Prince Andrew, kumo opisyal nga representante han HM Queen Elizabeth, nga nagseselebrar han iya Diamond Jubilee duranrte hini nga panahon.

Ha ira miting, hi Pangulo Aquino in nagpadangat han maupay nga hingyap han mga Filipino ngadto han reyna ha okasyon han iya Diamond Jubilee yana nga tuig, ug nagpadangat gihapon han iya hingyap para hin malinampuson nga kanan UK panagbalay han Summer Olympics subnod nga bulan.

Ha katapuisan, hi Pangulo Aquino in mapaso nga ginkarawat han iya mga kababayan ha pagkatitirok nga gin organisar han embahada han Pilipinas ha London, kun diin hiya in nagpaangbit han maupay nga sumat hiunong han Pilipinas ug nagpromotir han bag-o nga tourism slogan, "Mas marisyo ha Pilipinas” han Department of Tourism. An 250,000 nga makusog nga komunidad han mga Filipino ha UK amo an pinakadako ha bug-os nga Europe.

Hi Pangulo Aquino in gin-updan ngadto ha UK hin delegasyon nga ginkokompone nira Foreign Affairs Secretary Albert F. del Rosario ugh an iya mga sekrataryo pan ekonomiya. (translated by GTT-PIA 8/PCOO online news)