Waray news: Nagtikadamo an mga OFW nga nagtikang han ira kalugaringon nga mga pakabuhi pinaagi han pautang ha Land Bank

Wednesday 19th of September 2012

MANILA, Set 19 (PIA) -- Mas nagtitikadamo an mga nanbabalik nga mga overseas Filipino workers (OFWs) in nakatalaan pagtikang han ira kalugaringon nga mga pakabuhi pinaagi han pag-aprobar han Land Bank of the Philippines (LandBank) han ira mga gin-uutang ha ilarum han kanan gobyerno OFW Reintegration Program (OFW-RP).

Han katapusan han Hulyo 2012, nag-aprobar an LandBank hin P272.8 milyones nga mga pautang para hin 425 nga mga OFW para hera in makagtikang hin ira kalugaringon nga mga pakabuhi.

Gin-aantisipar nga ini in makapahamtang hin maabot 1,648 nga mga uportunindad hin pantrabahuan. Dida han mga pautang nga gin-aprobaran amo an pankapital para hin negosyo ha palay ngan panmaligya hin bugas, paghayupan, agri-vet and poultry supplies, ngan panmaligya han mga inadlaw-adlaw nga panginahanglan.

Kami ha LandBank in nakikiusa han gobyernor nasyonal ha pagpasilitar han pagpahamutang han mga nabalik nga overseas workers pinaagi hin paghatag in bulig pinansyal ngan teknikal para hera in mabuligan pagtikang han ira kalugaringon mga mga pakabuhi. Dako an amon paglaum nga ha pagigin mga kapitalista, diri la nira maseseguro an ira stabilidad parti pan-ekonomeya kundi mabubuligan pa nira nga mapakurokusog an ekonomeya han nasud, sering han Panguo han LandBank ngan CEO Gilda E. Pico.

An LandBank in naghahatag hin iba-iba nga mga serbisyo pinansyal nga nag-uupod hin mga project modules sugad han bangus ha bamboo cages, tilapia culture in earthen pond, hog fattening project, ngan native chicken project. An mga module in naghahatag han mga nangungutang nga mga OFW hin impormasyon parti investment requirements ngan han projected monthly income para han nasabi nga mga proyekto.

An mga lehitimo nga mga miyembro han OWWA nga umagi han ginkikinahanglan nga paghag-id in pwede makahuram tikang ha P300,000 tubtub ngadto ha P2 milyones ha 7.5 pursyento nga interes ha kada tuig nga kinahanglan mabayaran ha sulod hin usa katuig o diri malahos hin pito katuig, depende han ginproponer nga proyekto.

An mga kwalipikado nga mga proyekto in nag-uupod hadton may segurado na nga kliyente, kuntrata nga makakaaghat hin kita nga diri maubos hin P10,000 kada bulan. Para hin iba pa nga mga impormasyon o panginahanglan, an mga interesado nga mga OFW in pwede bumisita han LandBank website (www.landbank.com) o tumawag ha (02) 405-7640. (Trans. by MAA/PIA8)