Waray news: Responsible Parenthood Bill makakabulig kanan nasud ekonomeya – Palasyo

By Marivic A. Alcover

Tuesday 7th of August 2012

MANILA, Agusto 6 (PIA) -- Naghahangyo an Malacañang han publiko nga suportahan an Responsible Parenthood Bill nga iginduduso han administrasyon ni Aquino nga nagsesering nga ini nga iginproponer in maupay para han nasud lab-i na gud ha ekonomeya.

Dida hin usa nga panmaki-ana ha radyo dida han Sabado ha dzRB Radyo ng Bayan, ginhangyo ni Presidential Legislative Liaison Office (PLLO) chief Manuel Mamba an mga magbaralaud nga ipasa an balaudnono mahitungod han kamahinungdanon hini para han nasud.

Ini nga pahimatngon ni Mamba in gumawas han magdumara an Katoliko nga Simbahan kaupod han iya mga tagsuporta hin usa nga dako nga prayer rally ha EDSA Shrine pagkuntra han Responsible Parenthood Bill.

“Ito po ay napakagandang batas, basahin ho natin ng husto, makikita natin na ang gusto ng batas na ito ay meron tayong mas magandang kinabukasan sa ating mga anak at sa sambayanang Pilipino sa darating na araw,” sering ni Mamba.

“Isa pa ‘yung ekonomiya nating kailangan makasabay sa paglaki ng ating populasyon, sa sobrang paglaki ng ating populasyon, kahit pa kailan hindi makakasabay ‘yung ating ekonomiya. Gusto natin ng magandang kinabukasan para sa mga taon natin, let’s pass this bill,” dugang pa niya.

Parti ha mga pahimatngon nga ini nga balaudnon in nadapig han abortion, nagsering hi Mamba nga diri ini nakapahamtang dida han balaudnon ngan ini in gius paglipat han publiko.

“Yung pangamba ng simbahan na may mga abortion dito, hindi po totoo ‘yon. Let us not misinform our people,” sering niya, ngan dugang pa niya nga an gobyerno in may obligasyon paghatag ngadto han katawhan hin pagpili parti han kadako han ira mga pamilya.

Ha pagkayana, nagsering hi Mamba nga mayda hera igo nga mga magbaralaud ha Kongreso nga nasuporta han balaudnon ha iya pagpagawas han iya kumpyansa ha pagpasa hini.

Ginhangyo gihapon han opisyal han Palasyo an katawhan ngan han mga magbaralaud nga diri gamitan hin pamumulitika an isyu, kun diin sering niya nga ini in diri mahitungod hin politika kundi mahitungod han kabubuwason ha nasud.

Ginatos-gatos nga katawhan in nagtitirok ha gawas han EDSA shrine dida han Sabado han kulop kun diin iginpakita han mga lider han simbahan in usa nga dako nga prayer rally para ipaabot ha Kongreso nga kaudgan han mga Pilipino in nakuntra han balaudnon nga nakapahamtang ha lehislatura hin pera na katuig. (EOPT/Trans. by MAA-PIA8)