Waray news: PRO8 2nd Sem PO1 Attrition Recruitment Program igintalaan

By Marivic A. Alcover

Saturday 4th of August 2012

TACLOBAN, Leyte, Agosto 4 (PIA) -- Kaparti han modernisasyon nga programa ha Philippine National Police, an 2nd Semester PO1 Attrition Recruitment Program para CY 2012 in igintalaan para mangempleyo hin dugang pa nga mga kapulisan ha rehiyon ngan magtitikang pangarawat han mga aplikasyon dida hiton Septyembre 3 ngadto ha 14, 2012.

An Police Regional Office (PRO) ha ilarum ha liderato ni PCSupt Arnold Rayala Revilla, an Regional Director han PRO 8 in nag-aktibar han ira mga screening committee nga amo an magproproseso han kinahanglanon nga minimum requirement ngan han iba pa nga mga dokumento nga igsusumiti han mga aplikante.

An masunod amo an mga ginkikinahanglan nga mga kwalipikasyon para makasulod ha serbisyo han kapulisan:
1) Usa nga bungtohanon han Pilipinas;
2) May maupay nga pamatasan;
3) Kinahanglan nga nakapasar han Psychiatric/Psychological/Drug and Physical Tests nga pagdudumaraon han PNP;
4) Kinahanglan nga mayda pormal nga Baccalaureate Degree tikang hin usa nga rekognisado nga eskwelahan;
5) Kinahanglan nga eligible subay han mga igintalaan han han NAPOLCOM PNP Entrance, RA 6506 (LICENSED Criminologist), RA 1080 (BAR and Board Examinations), PD 907 (Honor Graduate) o CSC Professional;
6) Kinahanglan nga waray matanggal tikang ha pangempleyohan han military mahitungod hin diri maupay nga rason o gintanggal mahitungod hin rason tikang hin maski diin nga sibilyan nga pwesto ha gobyerno;
7) Kinahanglan was nakapending nga kaso maski diin nga korte;
8) Kinahanglan diri maubos hin usa ka-metros ngan 62 sentimetros (1.62 m.) an kahitaas para han lalaki nga usa ka-metros ngan 57 sentimetros (1.57 m) para ha babaye;
9) An kabug-at in kinahanglan nga diri maubos o malapos hin lima kakilo (5 kgs.) kuntra han standard nga kabug-at katugbang han iya kahitaas, edad, ngan gender; ngan
10) Kinahanglan diri maubos beynte-uno (21) o malapos traynta (30) katuig an edad dida hit iya panumpa.
An panguna nga mga kinahanglanon para han pagkuha han PO1 amo an masunod:
(Unom (6) ka-kopya nga kada-usa nakabutang hin usa (1) nga folder nga may busag nga surat)
A. Duly authenticated Municipal/City Mayor endorsement;
B. Duly authenticated Municipal/City Ad hoc Resolution, Certification and worksheet;
C. Ginkumpleto nga Personal Data Sheet (CSC) Form 212 (Revised 2005);
D. Birth Certificate nga authenticated han NSO (para han may asawa, pagsumite hin Marriage Contract);
E. Eligibility Report of Rating nga authenticated han nag-isyu nga opisina/awtoridad;
F. 2 pcs 2x2 black and white nga may name tag nga 1 bust-size picture ngan usa nga bug-os nga lawas nga litrato;
G. Transcript of Scholastic Records ngan Diploma nga authenticated han registrar han eskwelahan;
H. Certificate of good moral character nga igin-isyu han Koleheyo/Unibersidad kun diin nagradwar an aplikante nga authenticated han registrar han eskwelahan;
I. Local clearances (Barangay, Police, Police Provincial Office, Mayors, MTC, RTC, Provincial Prosecutor ngan NBI);
J. Medical Certificate tikang ha City/Municipal Health Office.

An mga interesado nga aplikante in kinahanglan mayda han mga kaangayan nga mga panginahanglan para PO1 tikang han National Police Commission (NAPOLCOM), Professional Regulatory Commission (PRC), o han Civil Service Commission (CSC).

An alokasyon para han PRO 8 amo an 117 nga mga PO1 ngan an panumpa han mga nagmalinampuson nga mga aplikante in nakatalaan ha Nobyembre 16, 2012.

Para hin mga panmakiana parti han PNP Recruitment para CY 2012, tumawag la ha Office of the Regional Personnel and Human Resource Development Division pinaagi ha telepono nga may numero (053) 323-8814. (Trans. by MAA/PIA8)