Waray news: Pangulo Aquino nagpatapod 6,000 pa nga mga sitio in matatagan na hin elektrisida antis matapos an tuig

By Marivic A. Alcover

Thursday 2nd of August 2012

MANILA, Agosto 2 (PIA) -- An mga residente han mga hagrayo nga mga rehiyon han Pilipinas in manhihi-upod na hadton mga nagpapakatagamtam hin elektrisidad ha ira tagsa-tagsa nga mga panimalay matapos magpatapod hi Pangulo Benigno S. Aquino III nga 6,007 pa nga mga sitio didto ha mga pinaka-higrayo na nga mga barangay han nasud in matatagan na hin elektrisidad antis matapos an 2012.

An Pangulo in naghatag han patapod dida han iya pagyakan han 33rd Annual General Membership Meeting han Philippine Rural Electric Cooperatives Association, Inc. (PHILRECA) nga gindumara ha Philippine Trade Training Center ha siyudad han Pasay dida han Huwebes.

Sering niya nga matapos lumingkod hin duha ka-tuig ha opisina, an iya administrasyon, ha bulig han Departamento han Enerheya, National Electrification Administration ngan han mga stakeholder sugad han PHILRECA, in hinay-hinay pero segurado nga nagdadara han mga benepisyo han elektrisidad ha mas natikadamo nga mga Pilipino.

Dugang pa niya nga tikang han Oktubre 2011 ngadto han Hulyo han yana nga tuig, 2,400 nga mga sitio (usa nga teritoryo nga kaparti hin usa nga barangay, nga an lokasyon in medyo nahirarayo tikang dida han sentro ha barangay) in nagka-ada na hin elektrisidad.

Ginduon han Pangulo nga ini nga nahimo in nagin posibli pinaagi hin maupay nga pangobyernohan ngan ha karuyagon han mga Pilipino. “Sa loob ng dalawang taon, pinatunayan nating sa harap ng samu’t saring problema, tapat na pamamahala, ugnayan at pakikilahok ng taumbayan ang solusyon para gawing posible ang tila dati’y imposible talaga,” sering han Pangulo.

“Ganito mismo ang ginawa natin upang mula Oktuble 2011 hanggang Hulyo ng taong ito, napailawan natin ang halos 2,400 na mga sitio. Kumpyansa tayong sa pagtutulungan ng pamahalaan at ng mga electric cooperatives, mapapailawan natin ang target na 6,007 sitios,” pagklaro niya.

Ginrekognisar han Pangulo nga meyentras mayda pa mga panginahanglan nga kaangayan buhaton para madara an mga benepisyo han elektrisidad para ha ngatanan, ha bulig han enerheya nga sektor, an iya mga stakeholder ngan han mga Pilipino, ini nga dako nga burohaton in mahihimo.

“Opo, sa loob lamang ng dalawang taon marami na tayong nagawa. Subalit hindi dito nagtatapos ang tungkulin natin. Mas marami pa tayong kayang gawin, mas marami pa tayong dapat gawin. Hangga’t may isang paslit na gasera pa rin ang ilaw sa pagsagot ng asignatura; hangga’t may bahay pa ring kandila ang bumbilya; hangga’t may barangay o sitio pa ring ni walang posting ilaw sa kanilang kalsada, patuloy tayong maghahanap ng paraan upang sa lalong medaling panahon maging fully electrified na ang buong bansa,” sering han Pangulo.

“Sa pakikiisa ng Philreca at sa lakas ng kaloob ng taumbayan, tiwala akong magagawa natin ito,” dugang pa niya. (EOPT/Trans. by MAA/rck-PIA8)