Waray news: Pangulo Aquino pinangundahan komemorasyon han ika-3 nga anibersaryo han pagtalikod ha kadayonan ni Cory

By Marivic A. Alcover

Thursday 2nd of August 2012

MANILA, Agosto 2 (PIA) -- Pinangundahan ni Pangulo Benigno S. Aquino an Aquino ngan Cojuangco nga mga pamilya ha komemorasyon han ika-3 nga anibersaryo han pagtalikod ha kadayunan han iya nawara nga nanay ngan anay Pangulo Corazon Cojuangco Aquino nga ginlubong, kaupod han iya asawa ngan anay Senador Benigno “Ninoy” Aquino, Jr. ha Manila Memorial Park ha Parañaque dida han Meyerkoles.

Nakig-usa an Pangulo han iya mga kabugtuan nga hera: Maria Elena. Aurora Corazon, Victoria Eliza, ngan Kristina Bernadette, an ira tagsa-tagsa nga mga pamilya ngan maabot 50 nga suok ha ira nga mga ka-uropdan ngan kasangkayan dida hin usa nga misa para han anay Pangulo kun diin ginselebrar ni Padre Catalino Arevalo, SJ.

An kan Pangulo Aquino opisyal nga pamilya nga ginrepresentaran ni Health Secretary Enrique Ona, Energy Secretary Jose Almendras, Social Welfare Secretary Corazon Soliman, Transportation Secretary Manuel Roxas II, Communications Secretary Herminio “Sonny” Coloma, Foreign Affairs Secretary Albert Del Rosario, ngan Defense Secretary Voltaire Gazmin in nakadto gihapon dida han misa.

Dida han iya homily, nagsering hi Fr. Arevalo nga an komemorasyon han anibersaryo han pagkawara han kanan Pilipinas simbolo han demokrasya in diri la katitirok han mga kasangkayan ngan pamilya kundi usa nga higayon nga makag-ampo kita, bali mga Pilipino, nga makaghatag hin waray wantas nga gugma han nasud nga an anay Pangulo ngan han Senador in mayda.

Sering niya nga ini nga komemorasyon in pwede makahatag han ngatanan, pinaagi han pag-interbener ni Senador Benigno ngan Pangulo Cory, hin tyansa nga makasulod ha aton “a little bit of the love that they had for our country and our people, not for themselves.”

“So I think our coming together is not an empty ceremony. It’s a lighting of the fire again; it’s an enkindling of the fire in our own hearts that we ask that through their prayers, now that they are with the Lord, they may light up a fire in our hearts and give us something: a little bit of the love that they had for our country and our people, not for themselves,” sering ni Fr. Arevalo.

“For themselves, it was a total gift that’s why we honor them; that’s why our country will honor them for many, many years to come. And we pray at this mass this morning that something of that passion, something of that love may enter into us. That it may not be just a question of words, it may be in some way really and truly also the giving of our lives,” dugang pa niya.

Hi anay Pangulo Corazon Aquino in tumalikod ha kadayunan dida han Agusto 1, 2009 matapos makig-away hin colon cancer. (EOPT/Trans. by MAA/rck-PIA8)