Waray news: Malacañang nakiduyog ha kasubo han pamilya ni Justice Secretary Leila de Lima ha pagtalikod han iya amay, an anay Commissioner han Commission of Elections Vicente de Lima

By Marivic A. Alcover

Tuesday 31st of July 2012

MANILA, Hulyo 31 -- An Malacañang in nagpaabot han iya sinsero nga pakiduyog han kasubo han pamilya ngan kasangkayan ni Justice Secretary Leila B. de Lima, nga an amay, nga hi Vicente B. de Lima in tumalikod na ha kadayunan mahitungod hin colon cancer. Heya in nag-iidad hin 83.

Dida han iya mensahe han regular nga pakigharampang ha mga taga media ha Malacañang dida han Martes, iginpaabot ni Deputy Presidential Spokesperson Abigail Valte an pakiduyog han pangobyernohan ni Aquino ngadto han pamilya De Lima.

“We would like to convey our sincerest condolences to the family of Secretary De Lima on the passing of her father, former Comelec Commissioner Vicente B. de Lima. We got word that last Monday the former Comelec commissioner passed away and again our sincerest condolences with the family and friends of the late Vicente B. de Lima,” sering ni Valte.

Hi Vicente de Lima in nagserbi bali commissioner han Commission on Elections (Comelec) tikang han 1992 ngadto ha 1994 ha ilarum ni Chairman Christian Monsod. (Trans. by MAA-PIA8)