Waray news: Prime Minister han New Zealand mabisita han Pilipinas

By Marivic A. Alcover

Friday 13th of July 2012

MANILA, Hulyo 13 -- An Department of Foreign Affairs (DFA) in nagpahimatngon kakulop nga adlaw nga an New Zealand Minister for Foreign Affairs nga hi Murray McCully in magdudumara hin opisyal nga pagbisita ha Pilipinas han Hulyo 17 ngan 18, ha imbitasyon han Foreign Affairs Secretary nga hi Albert F. del Rosario.

Ini in primero nga pagbisita ni Minister McCully ha Pilipinas bali kanan New Zealand Minister for Foreign Affairs.

Hi Secretary del Rosario ngan Minister McCully in maghihisgot parti han pagpa-uswag han relasyon pan-ekonomeya ngan kuoperasyon parti ha pandepensa, geothermal nga enerheya, dairy industry, pantrabahuan, development cooperation, kapaligiran ngan pangandaman ha oras hin mga kalamidad ngan pag-uswag.

An duha nga mga Foreign Minister in magigibalyu-ay gihapon hin opinyon parti mga isyu han rehiyon ngan mga pahimatngon nga pareho may kalabutan han duha nga nasyon sugad han ASEAN, an East Asia Summit ngan han West Philippine Sea.

Hi Minister McCully in magdudumara gihapon hin kurteseya nga pagbisita ngadto kan Pangulo Benigno S. Aquino III dida han iya pagbisita.

An Pilipinas ngan han New Zealand in malipayon nga nagkaada 46 anyos nga maupay nga relasyon. (EOPT/Trans. by MAA-PIA8)