Waray news: DAR nagpahamtang 17 nga mga opisyal ha Sinirangan Bisayas

By Marivic A. Alcover

Tuesday 12th of June 2012

TACLOBAN CITY, June 12 (PIA) -- Alinsunod ha Special Order 144 ngan 232 nga iginpagawas ni Agrarian Reform Secretary Virgilio delos Reyes, 17 in iginbalhin hin pwesto ngan bag-o nga gintangan hin katungdanan nga mga opisyal in iginpahamtang ha iba-iba nga parti han Department of Agrarian Reform nga mga opisina ha Sinirangan Bisayas.

An implementasyon han nasabi nga mga Special Order in iginpatuman ni Regional Director Eliasem Castillo han DAR Rehiyon 8 pinaagi han pormal nga pagpahamtang dida han Huwebes, Mayo 31, kanda Atty. Sheila Enciso, anay Leyte Provincial Agrarian Reform Officer (PARO), Oscar Reloj ngan Chief Agrarian Reform Program Officer (CARPO) Melecia Ong ngadto han ira bag-o nga mga pwesto bali Regional Agrarian Reform Adjudicator (RARAD), Assistant Regional Director for Administration (ARDA) ngan chief of the Operations Division, nga puro didto ha regional office dinhi.

An iba pa nga mga opisyal nga nanhingadnan dida han duha nga mga special order ngan han bag-o nira nga mga kababalhinan nga mga pwesto amo hera Atty. Nellie Canillas Dulfo bali Provincial Agrarian Reform Adjudicator para ha Northern Samar; Ismael Aya-ay bali PARO-II, Biliran; Elisea Orapa bali PARO-II, Southern Leyte; Pax Rojas bali PARO-II, Samar; Leovigildo Monge bali PARO-II, Leyte; Ramon Castroverde bali PARO-I, Southern Leyte; ngan Leonora Asaldo bali Chief, Operations Division, Biliran.

An iba nga bag-o nga nagkabubutang ha iba-iba nga pwesto nga mga opisyal amo hera Noel Salloman bali Chief, Beneficiaries Development Coordinating Division, Biliran; Danilo Lozada bali Chief, Administrative Division, Southern, Leyte; Francisco Diloy bali Chief, Beneficiaries Development Coordinating Division, Leyte; Rosemarie Balanquit bali Chief, Administrative Division, Northern Samar; Jose Balberde bali Chief, Beneficiaries Development Coordinating Division, Northern Samar; Tomas Martinez bali Chief, Operations Division, Leyte; ngan Atty. Bryan Lassiter bali Chief, Legal Division, Eastern Samar.

Ini hera in ha turo-temprano pa iginrekomendar ni han Regional Director nga mapahamtang ha nasabi nga mga pwesto mahitungod nga natuo hiya nga ini hera in mag-upay ha ira nahitutungdan nga mga pwesto.

Hi Director Castillo in nagpagawas han iya kumpyansa nga an implementasyon han Comprehensive Agrarian Reform Program lab-i na gud ha pagkuha ngan pagdistribwer han nahibibilin nga 66,000 ka-hektarya han mga tuna pan-agrikultura ha rehiyon in mapapadaro-dagmit na ha pagkayana nga “we have put the right persons in the right posts.”

An nga paghibaro-balhin hin pwesto ha DAR Sinirangan Bisayas in nagin resulta han pagretiro ni RARAD Wilfredo Navarra, ARDA Antonio Tan, PAROs Venerio Yap han Biliran ngan Gregorio Fiel Jr. han Samar ngan DAR-Bilran Operations Division Chief Violeta Abad tikang ha pagserbisyo ha gobyerno, pasabot ni Soria. (Trans. MAA/PIA 8)