Cebuano news: PNoy, adunay 90 ka adlaw sa pagpili og bag-ong CJ

TAGBILARAN CITY, Bohol, June 1 (PIA) -- Giseguro karon sa Malacañang nga mopili si Presidente Benigno “Noynoy” Aquino III og angayan nga Supreme Court (SC) chief justice hulip sa napalagpot nga si Chief Justice Renato Corona.

Matud pa ni Deputy Presidential Spokesperson Abigail Valte, adunay 90 ka adlaw nga gitakda ang balaod aron makatudlo og bag-ong punong mahistrado ang Presidente kun mabakante ang posisyon.

Sa pagkakaron, bakante na ang pwesto sa punong mahistrado human sa conviction batok kang Corona.

Bisan pa niini, giingong dili kinahanglang tapuson ang 90 ka adlaw sa dili pa motudlo og bag-ong chief justice si Presidente Aquino basta madawat na ang shortlist gikan sa Judicial and Bar Council (JBC).

Gipasabot ni Valte nga kinahanglan pa gihapon nga mo-agi sa JBC ang mga posibleng nominado ug pagapilian sa Presidente ang labing kwalipikado. (Elvira Bongosia)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines