Hiligaynon news: Banwa sang Pres. Roxas magaduso sang organic nga pagpanguma

SYUDAD SANG ROXAS, Capiz, Set 19 (PIA) -- Magapa-in sang pundo ang banwa sang Pres. Roxas, Capiz para sa pagtukod sang vermicompost subongman organic farm nga proyekto sa munisipyo.

Ginpahayag ni Mayor Raymund S. Locsin nga lubos pa gid nga pabakuron ang proyekto kag ipatuman sa iban nga kabaranggayan matapos nga gintagaan sang direktiba si Leonardo Barcenas nga amo ang Municipal Agriculturist sang Pres. Roxas nga magpanguna sa pagpatuman sang proyekto.

Samtang nagpatigayon sang observation tour sa Buro-buro Springs kag Vermifarm sa Talisay, Negros Occidental ang mga hepe sang departamento sang Pres. Roxas sang damlag lang agud mahibaluan ang mga pamaagi kag istratehiya sa vermi-composting kag organic farming sang nasambit nga lugar.

Ang Vermifarm sa Talisay ang ginakabig pinakauna sa vermiculture kag organic farming sa Negros Occidental kag nagapanguna nga training center para sa vermiculture kag vermicomposting sa pungsod.

Subongman ang Buro-Buro Springs Vermifarm amo ang nagapanguna nga naga-supply sang African Nightcrawler nga ulod sa mga lokal nga panguluhan nga nagtukod sang vermicomposting nga mga proyekto.

Nahibaluan nga ang mga utanon kag mga prutas nga ginpatubo sa organic nga pamaagi ang hilway sa kemikal kag pesticide kag mas nagapabilin ang natural nga sabor sang produkto. (JCM/AAL-PIA6 Capiz)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines