Hiligaynon news: DOLE, FIDA magabulig sa mga mangunguma sang abaka

SYUDAD SANG ROXAS, Capiz, Hunyo 23 (PIA6) -- Magabulig ang Department of Labor and Employment (DOLE) subongman Fiber Industry Development Authority (FIDA) sa mga mangunguma sang abaka sa Tapaz, Capiz.

Ginpahayag ni William P. Dungog nga Public Information Officer sang DOLE-Capiz nga nagadihon na ang DOLE kag FIDA sang project proposal agud nga mabuligan ang nasambit nga mga mangunguma nga mapasanyog ang ila palangabuhian.

Nahibaluan nga una nga ginpakilala ni Mayor Rose Gardose sang banwa sang Tapaz ang kapin 20 ka mga mangunguma nga ginpangtagaan sang P3 nga insentibo sa tagsa ka puno sang abaka nga ila natanum sa kay Dungog.

Gindugang pa ni Dungog nga magatambong kuntani siya sa pangaduha ka pagsinapol para sa “Kurambos nga Proyekto” apang wala makatambong ang iban nga mga partner sa inisyatibo nga ginaduso sang DOLE gani nakatambong na lang ini sa pagpanagtag sang insentibo sa mga manogtanom sang abaka.

Nangin bisita man sa kahiwatan amo Jenito Macahilo nga livelihood focal person sang FIDA.

Ang kabaranggayan sang Agpalali, Mali-ao kag Hilwan sa Tapaz ang may kapin 866 ka mga mangunguma sa mga plantasyon sang abaka sa nasambit nga mga lugar.

Magluwas sa Tapaz, ang kabanwahanan sang Jamindan, Dumalag, Cuartero kag Sigma ang paborable man nga mga lugar sa probinsya para sa abaka.

Ang abaka nga isa ka saging nga tanum ang ginapatubo bilang isa ka “commercial crop” bangud sang pisi’ nga makuha diri ang maayo nga gamiton sa pag-obra sang tela, papel sa sigarilyo, fibercrafts, kag madamu nga iban pa. (JSC/AAL-PIA 6, Capiz)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines