Ni Nene A. Manzanares

Manila (19 July) -- Nagpahayag si Presidente Arroyo san naglabay nga adlaw nga an gobyerno in andam na pagdagmit san bio-fuel energy program bilang siyahan nga pitad pagtapos san ura-ura nga pagtapud san nasud san importasyon san lana pantrasportasyon o kun crude oil.

Ine nga kanya pahayag in ginhimo dida san Forum on Alternative Fuel for Punblic Transport sa Hall A and B sa Philippine Trade and Training Center sa siyudad san Pasay.

Nagsugad an Presidente nga magtitikang siya sa kanya inspeksyon sa Hulyo 21 san 1,800 ka ektarya sa magkadurudilain nga parte san nasud nga gintanuman sin jatropha sa ilarum san kanan gobyerno katropha propagation program.

Sa pagkayana, maabot 900 ka ektarya an gintanuman na sin jatropha sa Tamlang Velley sa Negros Oriental, 500 ka ektarya sa Fort Magsaysay, Nueva Ecija, 200 ka ektarya sa Camarines Sur, 100 ka ektarya sa General Santos City, 60 ka ektarya sa Ara, Palawan, 40 ka ektarya sa Cagayan de Oro City, 14 ka ektarya sa Bohol ngan lima ka ektarya sa Cadiz City, Negros Occidental.

Nagsugad an Presidente nga matungod san ka-episiente san mga programa panenerhiya sa ilarum sa kanya administrasyon, an aton nasud yana in yaun na 56 ka porsiento san kasupisiente sa enerhiya. Maon ine an pinaka hitaas san pagka sopisiente sin enerhiya sulod san istorya san aton nasud.